Работејќи ја темата – Убавините на мојот град, децата од Матичен објект од 5 – 6г. (Ежиња), на ден 19.11.2019 год., го посетија Музејот на град Скопје. Преку слики и поставки во музејот, се запознаа со Скопје некогаш и денес и осознаа повеќе за културното наследство на нашиот град.
По повод роденденот на нашиот град Скопје – 13ти Ноември, децата од 5 – 6 годишна возраст, од објектот Н. Н.Борче беа на прошетка низ центарот на градот. Одблиску се запознаа со одредени обележја на нашиот град и го посетија Музејот на град Скопје.
На ден 15.11.2019г. децата од група – Ѕвездички (5-6 год.), од Матичен објект, беа во посета на Музеј на град Скопје, по повод празникот на градот – 13-ти Ноември. Децата се запознаа со поставката во музејот и ги проширија своите знаења за културното наследство на градот Скопје и неговата околина.
На ден 29.05 воспитната група од 5 – 6г. од објект Панорама, го посети Музејот на отворено – археолошкиот локалитет Тумба Маџари. Децата се запознаа со животот и работата од тоа време, а особен интерес предизвика божицата – Големата Мајка – заштитничка на домот и семејството.
Во пресрет на претстојниот празник во објект Панорама беше реализирана активноста – Музеј на велигденски јајца, која е одраз на трудот кој е вложен од страна на вработените, во развивање на креативноста кај децата. Нешто ново, интересно и за возрасните и за дечињата.
Во рамки на проектот “Шумски животни”, на ден 19.03.2019г. група деца “Пчелички” од објект Н.Н.Борче, на возраст од 5-6 год. беа во посета на Природонаучниот музеј на Македонија. Децата со внимание и интерес ги разгледаа поставките во музејот и ги проширија знаењата за животните, слушајќи го кустосот- биолог Зоран кој не водеше низ истиот.
На ден 11.03.2019год. децата од 4-5г. возраст, група “Цветови” го посетија Природонаучниот Музеј на Македонија во рамките на проектот “Рибите во Македонија”.
По повод роденденот на градот Скопје – 13 ти ноември, децата од големата група – Супер Ѕвезди, беа во посета на Музеј на град Скопје. Целта на посетата, беше да се запознаат со археолошката поставка на старо Скопје – Скупи, приборот што го користеле порано, накитот, фустаните што ги везеле девојките, како и со спомените од катастрофалниот земјотрес што се случиле во минатото.
