Татковци и мајки, браќа и сестри, заедно со децата од групата Детелинки (4-5 год) од Матичниот објект, вежбаа правилно дишење и истегнување на телото, се забавуваа и посакаа оваа дружба пак да се повтори.
Денешниот ден беше посебен за децата од групите Детелинки и Буба Мари (4-5 год) од Матичниот објект. Тие денес се дружеа со Билјана Црвенковска, писателка на современа литература за деца и авторка на приказните Светот на Биби, со родителите-гости, уметникот Доротеј Нешовски од Детскиот креативен центар на МКЦ и ликовниот педагог Симона Игнатовиќ.
Традиционално, за време на новогодишните празници се трудиме да го разубавиме просторот кој не опкружува. Затоа родителите и децата од објект Панорама на ден 17.12.2019 год. во весела атмосфера и добро расположение се потрудија да направат убави и креативни новогодишни украси за елката, чија идеја и креација е дело на вработените, а беше поставена во холот на објектот.
На ден 12.12.2019г. во просториите на објектот Н.Н.Борче се одржа креативна работилница со родители на тема „Новогодишни свеќници“. Во занималните владееше весела атмосфера.
Магијата на празнувањето расположува, разнежнува, зближува. Таква беше денес атмосферата во холот на градинката Кочо Рацин во Капиштец.
На ден 21.12.2019г. во просториите на објект Панорама, децата од воспитните групи од 3 – 5 год. реализираа попладневна креативна работилница на тема ,,Изработки од тиква”. Родителите со своите деца изработија разни креации, со кои ги украсија влезовите на градинката.
Денес дворот на градинката Кочо Рацин во Капиштец беше исполнет со детска смеа, ентузијазам и мотивираност. Родителите заедно со своите деца реализираа попладневно дружење во рамките на месечната тема ”Љубовта кон мојот град и околина”.
На ден 16.10.2019 год. деца од објект Бели Мугри на возраст од 5 – 6г. заедно со деца од другите две градинки на општината, по повод Денот на храната, го посетија С.О.С. Детското село, каде се реализира работилница на тема: Здрава храна.
Во рамките на проектот “Како се разболуваме како се лекуваме” на 4ти април во групата од 3 – 4г. се реализираше креативна работилница на тема “Нашата домашна аптека” Како полици за нашата аптека, ги искористивме полиците од литературниот центар, кои родителите ги дополнија со испринтани во боја сликички од медицински помагала, кутии од лекови, предмети за хигиена, здрава храна и напитоци кои на еден или друг начин се наоѓаат на полиците во аптеките.
На 07.08 2019, во група – Сонциња, 4-5 год. – Матичен објект, во рамки на проектот “Во царството на боите” се одржа работилница – дружење со родители на тема “И ние сме уметници”. Во дворот од градинката, во разиграна и весела атмосфера, родителите изработија уметнички дела, користејќи различни техники и материјали.
