После 35 години постоење и греење на мазут, нашата градинка Панорама еколошка стана. Во целиот објект се поставија 33 нови високоефикасни инвертер уреди за ладење и греење. Како дел од Планот за чист воздух на Министерството за животна средина овој проект го реализираше Општина Центар, а финаниските средства ги обезбеди АД МЕПСО.
Традиционално, за време на новогодишните празници се трудиме да го разубавиме просторот кој не опкружува. Затоа родителите и децата од објект Панорама на ден 17.12.2019 год. во весела атмосфера и добро расположение се потрудија да направат убави и креативни новогодишни украси за елката, чија идеја и креација е дело на вработените, а беше поставена во холот на објектот.
На ден 17.12.2019 год. децата од воспитната група од 5-6 години, во рамки на проектната активност – Патуваме со децата од светот, го посетија Турскиот културен центар ,,Јунус Емре”.
На ден 21.12.2019г. во просториите на објект Панорама, децата од воспитните групи од 3 – 5 год. реализираа попладневна креативна работилница на тема ,,Изработки од тиква”. Родителите со своите деца изработија разни креации, со кои ги украсија влезовите на градинката.
На ден 12.11.2019г. групата од 5-6 год. од објект Панорама, по повод празникот 13-ти Ноември – Денот на ослободувањето на градот Скопје, го посетија Музејот Порта во центарот на градот.
Во рамки на предвидените активности, децата од воспитната група од 5-6 год. од објект Панорама ја посетија Зоолошката градина. Низ царството на животните ги водеше едукаторот Александар кој на децата им раскажуваше за животните.
На 25.09.2019 децата од воспитната група од 5-6години – Зајачиња во објектот “Бели Мугри” имаа средба со г-дин Гоце Мирчевски, медар и член на пчеларското здружение “Матица”. Со помош на видео проекција и разговор, децата се запознаа со најслаткиот производ на пчелите, медот.
Претставник од пчеларското здружение ,,Матица” на ден 25.09.2019 год. во просториите на објектот ,,Панорама” презентираше едукативна содржина на тема: ,,Пчели и мед” пред децата од воспитната група од 5-6 год. Децата стекнаа сознание за животниот циклус на пчелите, живеалиштата, нивната корист, професијата пчелар и неговата пчеларска опрема. На крајот децата се засладија со најздравиот производ од природата- медот.
На ден 29.05 воспитната група од 5 – 6г. од објект Панорама, го посети Музејот на отворено – археолошкиот локалитет Тумба Маџари. Децата се запознаа со животот и работата од тоа време, а особен интерес предизвика божицата – Големата Мајка – заштитничка на домот и семејството.
На ден 24.04.2019г. во групата Сонциња од 2-3год.се одржа креативна работилница со родители по повод христијанскиот празник Велигден. На истата, децата заедно со своите најмили креираа најразлични велигденски украси за разубавување на занималната во пресрет на овој голем празник.
