На ден 06.03.2020 година, децата од воспитната група “Зајачиња”- објект ” Бели Мугри”, учествуваа на традиционалната изложба на деца од предучилишните установи на тема “Цртам и пеам за мојата мајка” во организација на Детски културен центар “Карпош”, по повод празникот на жената – 8-ми март.
На ден 31.01.2020 година, Активот на воспитувачи од објект Бели Мугри, реализираше куклена претстава со наслов “Белиот Марсовец”, во холот на градинката. Претставата ја следеа децата од сите воспитни групи од објектот, која поради интересните кукли, музиката и комичната, но воедно и поучна содржина на претставата, го задржа детското внимание до самиот крај.
На ден 17.12.2019 година во просториите на објект Бели Мугри во групите од 2 – 6г. се одржаа креативни новогодишни работилници по повод новогодишните празници.
На ден 13.12.2019 год. на сцената во Дом на АРМ, пред многубројна публика, со музичка точка настапија децата од 5 – 6 год. од објект Бели Мугри. Децата со својот настап дадоа свој придонес во збогатувањето на програмата, организирана по повод 75 години јубилеј на ОУ – Кочо Рацин.
На ден 26.11.2019 год. Активот на воспитувачи од објект Бели Мугри, во холот реализираше куклена претстава “Шумски договор”, која ја проследија децата од сите воспитни групи.
На ден 13ти Ноември, деца од групата “Зајачиња” од објектот “Бели Мугри”, учествуваа на манифестацијата “Го градам мојот град” која традиционално секоја година ја организира Детски културен центар “Карпош”.
На ден 16.10.2019 год. деца од објект Бели Мугри на возраст од 5 – 6г. заедно со деца од другите две градинки на општината, по повод Денот на храната, го посетија С.О.С. Детското село, каде се реализира работилница на тема: Здрава храна.
По повод одбележувањето на Детската недела во објектот Бели Мугри на ден 09.10.2019 год. децата од воспитната група од 5-6 години, “Зајачиња” на своите другарчиња од другите групи им подготвија приредба со која ги запознаа со детските права, децата од светот, одговорностите во домот и градинката, детската игра и песна. Секое дете треба да има топол дом, храна, љубов, внимание и безгрижно детство, порачаа децата од градинката Бели Мугри.
На 20.09.2019година во објектот Бели Мугри го одбележивме Светскиот ден без автомобили 22-ри септември. Во манифестацијата учествуваа децата од сите возрасни групи (2-6години) со возење на велосипеди и тротинети. Целта ни беше да ги мотивираме децата за живот во здрава животна средина, практикување на здрави животни навики како и поттикнување на еколошка свест уште од најрана возраст.
По повод – “Меѓународниот ден на спортот”, на ден 27.05 во холот на објектот Бели Мугри беа организирани спортски активности со децата од 2 – 6 годишна возраст.
Децата ја покажаа својата спретност за ориентација во просторот и движењето со конкретна цел.
