На ден 01.02.2019г. Активот на воспитувачи од Матичен објект ја реализира претставата – Трите Снешковци, како театар на сенки, пред децата од воспитните групи од 2 – 6г.. Децата со воодушевување ја проследија претставата, , пред се што некои од децата за прв пат проследија ваков вид на театарска уметност.
На ден 19 и 20.12 во сите објекти на нашата установа се реализираше новогодишната претстава “Најскапоцениот подарок”. Претставата со својата сценографија и интерактивен текст го задржа вниманието на децата и со задоволство ја проследија.
На ден 20.12 во поладневните часови во објектите на нашата установа, се реализираше новогодишна креативна работилница, на која се одзваа голем број на родители. Своите креативни идеи ги преточија во многубројни новогодишни креации на големо задоволство на децата, кои се дружеа заедно со своите родители.
На 13.11.2018 година во Матичниот објект, со приредба во холот беше одбележан роденденот на нашиот град. Децата од воспитните групи од 5-6 години ,,Верверички” и од 4-6 години ,,Ежиња” се претставија со стихови, игри и песни за градот, пред децата од помалите воспитни групи.
Попладневна креативна работилница со родители се реализира на ден 13.11.2018г. во Матичен објект во воспитните групи од 3 – 6г. на тема: “Ја градиме нашата населба Капиштец”.
Роденденот на градот Скопје – 13 ти ноември, беше одбележан во весела и празнична атмосфера. По тој повод беше реализирана заедничка приредба со наслов – Скопје граду мој. Учество во приредбата земаа воспитните групи од 4 – 6г.
На ден 02.11.2018г. по повод – Деновите на Општина Центар, беше организирана манифестација во просториите на кино – Култура, во присуство на Градоначалникот, претставници од Општината и гости. Со своето присуство, манифестацијата ја збогати и учеството на децата од објект Н.Н.Борче, возрасна група од 5 – 6г .кои се претставија со музичко-драмска игра – Музикални мечиња и при тоа со својот настап, предизвикаа громогласен аплауз и воодушевување кај присутната публика.
