Традицијата на еден народ е олицетворение на сето богатство што може да ја презентира една земја. Македонија е земја во која минатото оставило скапоцени траги, а сегашноста уште повеке го разубавила и оплеменила. Македонската традиција има длабоки корени. За тоа, како изгледала нашата земја некогаш, дознаваме од раскажувавањето на постарите лица – бабите и дедовците, од старите фотографии и слики, од книгите…Тоа е наше културно наследство, кое треба да го негуваме и пренесуваме на нашите поколенија.
Па така децата од групата “Ѕвездички”, од Матичниот објект, на возраст од 5-6 год., фасцинирани од тоа што претставува традицијата, решија во месец Јануари да ја истражуважуваат Македонската традицијата.
Децата своите знаења ги збогатија и проширија преку разни игри и игровни активности :
- Беа во посета на Музеј на Македонија, за потоа да изработуваат садови и сетови за домаќинство од глина и глинамол (грне, стомна чинии, чаши, лажици, толчник, бокали) ;
- Запознавајќи ја македонската народна носија, изработија традиционален накит нижејки монистра и везеа свадбарски марамчиња со парички;
- Ги истражуваа македонските орнаменти и истите ги сликаа на платно и хартија ;
- Го испочитуваа обичајот за празникот Бадник со месење и кршење лепче со паричка;
- Играа драмски, имитативни, творечки игри во Етно центарот;
- Го негуваа фолклорот со народни песни и ора.
Сите овие активности кај децата поттикнаа љубов кон својата македонска традиција и желба за нејзино почитување и негување, како и применување во иднина.
