Кога зборуваме за инсектите, веројатно, први на ум ни доаѓаат пеперутките кои во природата доминираат и пленат со својата волшебна убавина. Со својот карактеристичен изглед тие се издвојуваат од другите инсекти, шармираат и воодушевуваат. Пеперутките се симбол на самодовербата, упорноста и убавината. Секоја од нив… со својата боја, својот пат, својата игра е приказна и живот за себе. Тие се дар од природата, празник за душата и очите, восклик на убавината, кралици на тишината.
Денот на пеперутките (28.05) во матичен објект се одбележа во сите воспитни групи, под мотото ,,Разиграни пеперутки,,. Децата изработуваа пеперутки со разни техники, декорираа и потоа ги изложија готовите творби.
