Македноската телевизија посвети една цела емисија, во живо, од програмата за деца Ѕвон, на нашата градинка. Оваа можност ја искористивме за претставување на нашата работа, постигнувањата, успесите и перспективите, секако преку дирекна презентација од страна на децата. Гледачите можеа да ужоваат во дел од драмската претстава „Во светот на играчките“, танцови точки, рецитали и разговор со децата. Свесноста за големата публика од другата страна на екраните, кај децата поттикна иницијатива да ги испратат своите пораки до возрасните на Македноски знаковен јазик. Ова е дел од проектот кој тековно го работиме и кој на децата им овозможи да ги запознаат и да ги совладаат основните знаковни поими и да ги унапредат своите вештини за комуникација.
Ова позитивно искуство е од големо значење за сите деца кои за прв пат настапуваат пред јавен медиум.