Возрасна група: 2 – 4 години
Наслов на активноста: Обработка на стихотворба – ,,Пролетни цвеќиња“
Цели на активноста:
-Запознавање со содржината на стихотворбата;
-Збогатување на речникот со нови зборови;
-Развивање способност за слушање и разбирање на значењето на изговорените зборови
Потребен материјал: природата во вашиот видокруг, природни цвеќиња, бел лист, боички
Тек на активноста
Повикајте го вашето дете на балконот или во дворот каде имате најубав поглед и започнете разговор за годишните времиња… Зборувајте за сонцето, расцветаните дрвја, птиците, инсектите, цвеќињата, именувајте ги, допрете ги, мириснете ги – едноставно анализирајте. Дојдете до заклучок дека, пролетта изобилува со бои и мириси кои ни ги дава природата. Во продолжение запознајте го детето со содржината на стихотворбата:
,,Пролетни цвеќиња“
Во градината наша
многу цвеќиња има,
и тоа напролет
кога не е веќе зима.
Зумбулчиња и лалиња,
како сонце жолти нарциси,
темјанушки мали,
рози и бели кали.
Потоа анализирајте ја содржината, а доколку има непознати зборови објаснете му ги на детето, а потоа повторете ја заедно неколку пати во текот на денот и неделата. На крајот дајте му на детето бел лист, на кои ќе треба со боички да ги доцрта тревата и цвеќињата во ливадата, кои претходно вие сте ги започнале.
Подготвил: Воспитувач – Теодора.С.Петковска
