Новогодишните радости за децата од градинката Кочо Рацин во Капиштец оваа година се збогатија со уште еден подарок. Холот на градинката се оплемени со два вертикални ѕида за качување, заедно со меки подлоги, донација од Projects with a Heart, Philip Morris TKP & Expanda, за што од срце им се заблагодаруваме.
На ден 17.12.2019 година во просториите на објект Бели Мугри во групите од 2 – 6г. се одржаа креативни новогодишни работилници по повод новогодишните празници.
Традиционално, за време на новогодишните празници се трудиме да го разубавиме просторот кој не опкружува. Затоа родителите и децата од објект Панорама на ден 17.12.2019 год. во весела атмосфера и добро расположение се потрудија да направат убави и креативни новогодишни украси за елката, чија идеја и креација е дело на вработените, а беше поставена во холот на објектот.
На ден 17 и 18.12, во сите четири објекти на нашата установа беше реализирана новогодишната претстава со наслов “Огласот на Дедо Мраз” на театарската група – Триангл.
На ден 17.12.2019 год. децата од воспитната група од 5-6 години, во рамки на проектната активност – Патуваме со децата од светот, го посетија Турскиот културен центар ,,Јунус Емре”.
На ден 13.12.2019 год. на сцената во Дом на АРМ, пред многубројна публика, со музичка точка настапија децата од 5 – 6 год. од објект Бели Мугри. Децата со својот настап дадоа свој придонес во збогатувањето на програмата, организирана по повод 75 години јубилеј на ОУ – Кочо Рацин.
На ден 12.12.2019г. во просториите на објектот Н.Н.Борче се одржа креативна работилница со родители на тема „Новогодишни свеќници“. Во занималните владееше весела атмосфера.
Магијата на празнувањето расположува, разнежнува, зближува. Таква беше денес атмосферата во холот на градинката Кочо Рацин во Капиштец.
Во соработка со книжарница “Три” и инспирирани од книгата во нивно издание “Здраво Скопје”, децата од в.о група “Сонциња” 5-6 год, Матичен објект со своите цртежи, беа дел од изложбата одржана во трговскот центар “Зебра”.
На ден 05.12.2019 во сите објекти во групите од 4-5 год. возраст се реализираше втората работилница на тема: Зошто искористеното масло за готвење не треба да се истура во мијалникот и тоалетната школка?
