На ден 31.10 2019, в.о. група “Сонциња” 5-6 години, Матичен објект, со посетата на Стопанска Банка, го одбележаа Месецот на штедењето. Децата преку следење на едукативното предавање, ги проширија своите знаења за штедењето, важноста од истото, како и многу други интересни работи поврзани со банките. Дружењето го продолживме со играта “Тркало на среќата”, каде децата добија прекрасни подароци, како награда за нивното знаење. Како знак на благодарност, децата го изработија и подарија логото на Стопанска банка, како и логото на групата, користејки ја техниката колаж, со што пријатно ги изненадија вработените.
