На ден 21.11.2019 год., во воспитната група “Пеперутки” од 2-3 години од Матичниот објект, се одржа креативна работилница. Родителите и дечињата заедно изработуваа разни ракотворби од есенски плодови и есенски листови.
Во дворот на објект Н.Н.Борче, децата од групата Сонциња (5 – 6 г.), заедно со претставници од Лајонс клуб, засадија 40 бели рози, кои беа подарени со цел да се развие детската свест и поттикне грижлив однос кон природата, заради здрава иднина на децата.
На ден 27.11.2019г. во холот на Матичен објект, се реализираше куклена претстава со наслов “Невидливиот зајко”, презентирана од воспитниот тим. Куклената претстава ја проследија сите возрасни групи.
На ден 20.11.2019 год. во просториите на објектот Н.Н. Борче, во групите од 2 – 6 год. се одржа креативна работилница со родители на тема “Тиквијада”. Родителите кои се одзваа во голем број, заедно со своите деца, на нивно големо задоволство, направија прекрасни изработки од тиква, со кои ќе бидат украсени занималните во предстојниот период.
Есенска работилница во групите од 2 – 6г. се реализираше во објект Бели Мугри на ден 20.11.2019г. Родителите со задоволство и ентузијазам ја прифатија поканата за присуство на работилницата. Од оваа работилница произлегоа многу успешни есенски креации, кои во наредниот период ќе бидат украс на ентериерот во нашиот објект.
На ден 21.12.2019г. во просториите на објект Панорама, децата од воспитните групи од 3 – 5 год. реализираа попладневна креативна работилница на тема ,,Изработки од тиква”. Родителите со своите деца изработија разни креации, со кои ги украсија влезовите на градинката.
Денес дворот на градинката Кочо Рацин во Капиштец беше исполнет со детска смеа, ентузијазам и мотивираност. Родителите заедно со своите деца реализираа попладневно дружење во рамките на месечната тема ”Љубовта кон мојот град и околина”.
Работејќи ја темата – Убавините на мојот град, децата од Матичен објект од 5 – 6г. (Ежиња), на ден 19.11.2019 год., го посетија Музејот на град Скопје. Преку слики и поставки во музејот, се запознаа со Скопје некогаш и денес и осознаа повеќе за културното наследство на нашиот град.
По повод роденденот на нашиот град Скопје – 13ти Ноември, децата од 5 – 6 годишна возраст, од објектот Н. Н.Борче беа на прошетка низ центарот на градот. Одблиску се запознаа со одредени обележја на нашиот град и го посетија Музејот на град Скопје.
На ден 15.11.2019г. децата од група – Ѕвездички (5-6 год.), од Матичен објект, беа во посета на Музеј на град Скопје, по повод празникот на градот – 13-ти Ноември. Децата се запознаа со поставката во музејот и ги проширија своите знаења за културното наследство на градот Скопје и неговата околина.
