Денот на чисти планини, 26 септември, в.о група “СОНЦИЊА”, 5-6г , Матичен oбјект, го одбележа со прошетка на планината Водно, која помина во прекрасна атмосфера. Децата со воодушевување, низ игра и смеа, ја истражуваа планината, ја цртаа. Научија дека од особена важност за нас се планините, затоа треба да се грижиме за нив.
Чистотата и заштитата на планините, ни се потребни повеќе отколку што сме навистина свесни за тоа. На тоа не потсетува важниот ден во годината – Светскиот ден на чисти планини (26.09 ). Децата од воспитната група од 4-5 год. го одбележа овој ден со низа активности: сликаа на тема -,,Чисти планини”, изработија макета -планината Водно и засадија зимзелени и листопадни дрвца.
На 25.09.2019 децата од воспитната група од 5-6години – Зајачиња во објектот “Бели Мугри” имаа средба со г-дин Гоце Мирчевски, медар и член на пчеларското здружение “Матица”. Со помош на видео проекција и разговор, децата се запознаа со најслаткиот производ на пчелите, медот.
Претставник од пчеларското здружение ,,Матица” на ден 25.09.2019 год. во просториите на објектот ,,Панорама” презентираше едукативна содржина на тема: ,,Пчели и мед” пред децата од воспитната група од 5-6 год. Децата стекнаа сознание за животниот циклус на пчелите, живеалиштата, нивната корист, професијата пчелар и неговата пчеларска опрема. На крајот децата се засладија со најздравиот производ од природата- медот.
На ден 20.09.2019г. во Матичен објект во групите од 4-6г. се одбележа Денот на таткото, со стихови, песни и различни креативни изработки под мото “За мојот најдобар татко”.
На 20.09.2019година во објектот Бели Мугри го одбележивме Светскиот ден без автомобили 22-ри септември. Во манифестацијата учествуваа децата од сите возрасни групи (2-6години) со возење на велосипеди и тротинети. Целта ни беше да ги мотивираме децата за живот во здрава животна средина, практикување на здрави животни навики како и поттикнување на еколошка свест уште од најрана возраст.
Учество на манифестацијата „ДВИЖИ СЕ ЗА ЗДРАВЈЕ“ – Фонтана, градски парк 17.09.2019г. Децата од 5-6 годишна возраст, од објектот Н.Н.Борче заедно со останатите деца од сите градинки во Скопје се забавуваа со игри, спорт и музика.
Децата од воспитната група „Сонциња“ 5 – 6 години, од објектот Н. Н. Борче, Денот за заштита на озонската обвивка го одбележаа со едукативен разговор за озонот и подигање на свеста за негова заштита и гледаа едукативен цртан филм за деца „Ози Озон“.
