На ден 23.04.2019г. во групите од 2 – 3г. од објект Н.Н.Борче, се одржа попладневна креативна работилница со родители по повод претстојните велигденски празници На дружењето се изработуваа велигденски украси и декорации.
На ден 24.04.2019г. во групата Сонциња од 2-3год.се одржа креативна работилница со родители по повод христијанскиот празник Велигден. На истата, децата заедно со своите најмили креираа најразлични велигденски украси за разубавување на занималната во пресрет на овој голем празник.
Во пресрет на претстојниот празник во објект Панорама беше реализирана активноста – Музеј на велигденски јајца, која е одраз на трудот кој е вложен од страна на вработените, во развивање на креативноста кај децата. Нешто ново, интересно и за возрасните и за дечињата.
На ден 22.04.2019г. по повод Денот на Планетата Земја, во објект Панорама во групите од 2 – 6г. се реализираа повеќе активности – садење на семчиња и цвеќиња, пролетни игри во двор, изработка на макети со загадена и незагадена планета, цртаа на тема – загадувачи, се со цел децата да се едуцираат како да се грижат за планетата која е нивни дом и значењето на здравата и чиста околина за нивното здравје.
По повод Денот на Планетата Земја, децата на возраст од 5-6 год. од објект Н.Н.Борче, реализираа низа активности преку кои ја испратија пораката до возрасните за почиста и здрава средина.
На ден 18.04.2019г. воспитните групи од 2 – 3г. го одбележаа Денот на Планетата Земја. Во попладневните часови заедно – родителите и децата садеа садници во дворот. На тој начин кај децата уште од најмала возраст се развива свест за тоа како треба да се грижат за природата и за нашата планета да биде зелена и да има воздух чист.
По повод Денот на Планетата Земја – 22 ри Април, во објект Бели Мугри, беше организирана Еко-акција за собирање отпад од дворот на објектот. Во реализацијата учествуваа децата од 3-6години, кои собираа чаши, хартија, шишиња и друг ситен отпад од тревната површина.
Во текот на месец април, во сите објекти на нашата установа во групите од 4 – 6г., беше реализирана третата работилница од проектот “Учиме за собирање и рециклирање на отпадни масла за јадење”.
На ден 09.04.2019 година во група Супер Ѕвезди од објект Бели Мугри, гостуваше родител гостин д-р Виолета Српанова. Таа се обиде на доста сликовит начин да им ја објасни важноста на улогата на лекарите во животот на луѓето. Децата имаа можност да видат повеќе инструменти како стетоскоп, шпатули, ракавици, заштитни маски, капи, епрувети, пипети и сл.
Во чест на Денот и на наше огромно задоволство, имавме голема чест и привилегија да се дружиме со Проф. д-р. Благица Крстевска. Во опуштена атмосфера, со пристап кој плени во првата секунда, децата уживаа во излагањето на докторката, која со себе имаше донесено – цел арсенал на лекарски прибор, кој е присутен во секоја ординација: стетоскоп, шпатули, ханзаплас, маски, капи, ракавици…
