На 27.02 2019 г децата од од групите од 4-6 год, во Матичен објект, беа дел од проектот “Учиме за отпадното масло” на компанијата “Sunilens” и Министерството за образование. Одржани работилници во групите, гостин-родител и следење на документарен филм, беа некои од активностите при реализација на проектот.
Проектот ќе продолжи да се реализира и во наредните месеци.
На ден 27.02.2019г. децата од 4 – 6г. од објектите Бели Мугри и Панорама, ја проследија претставата – Check-in – Пред зграда, во организација на Општина Центар. Тие со големо внимание и интерес ја гледаа претставата, а потоа во занимална ги искажаа своите впечатоци и истите ги претставија на цртежи.
На ден 26.02.2019г. во групите од 4 – 6г. се реализираа работилници за отпадно масло. Со децата се водеше разговор на тема: Како се добива масло, какви видови на масло има, за што служи и како се собира и рециклира. Децата ги имаа доставено домашните записи од родителите на тема: Што прават со искористеното масло и истите беа прочитани. Беше проследен документарен филм за отпадното масло, а потоа ги боеја илустрираните цртежи.
Во групите од 4 – 6год. на ден 22.02 2019 г. се орджаа работилници за отпадно масло, со цел децата да осознаат за што се користи маслото, што готвиме со него, каква е неговата боја и од што се прави и секако каква боја има искористеното масло, како мириса и каде и во што го собираме, односно фрламе искористеното масло . Децата ги поттикнавме да одговораат на прашањето “Што прават нивните родители со маслото кое ке остане после готвењето”?. Активноста продолжи со боење на тематски илустрирани листови.
На 22.02.2019 год. децата од возрасните групи од 4-6 год. од Матичниот објект ја проследија театарската претстава – Check in: Пред зграда. Целта на оваа претстава беше – децата преку театарски јазик, близок и разбирлив за нив, да го согледаат негативното влијание од постојаното користење на паметните уреди и социјалните мрежи.
Децата од сите возрасни групи од објектот Панорама проследија театар на сенки: „Трите снешковци“ во реализација на активот на воспитувачи на ден 21.02.2019 година. Децата со интерес и внимание ја проследија претставата, интерктивно учествуваа и изразија желба и тие да ги преземат улогите.
Во уште една потрага по идна професија, воспитната група “Сонциња”, 4-5 год. од Матичен објект, на ден 19.02.2019 год ја посети Македонската опера и балет. Низ разговор и дружење со балерините и балетаните, децата открија многу работи за оваа професија, научија за бон тон при следење на балет, разменија многу подароци.. Прекрасно доживување и огромна благодарност до сите што им посакаа топло добредојде на децата..Пред се вработените во МОБ успеаа да ги разбудат детските желби и фантазии – еден ден да бидат балерини – балетани…
Во рамки на проектот -Учиме да собираме и рециклираме за отпадни масла за јадење, во објект Н.Н.Борче во групите од 4 – 6г. се реализираа работилници. Целта беше, децата да научат дека отпадното масло треба да се собира и рециклира, а не да се истура било каде. Децата се тие кои можат да ги поттикнат родителите да го собираат маслото и да го дистрибутираат. во компании кои овозможуваат понатамошен третман и рециклирање на овој вид на отпад.
На ден 12.02.2019г. групата “Сонциња” од 4 – 5г. од Матичен објект, ја посети д-р Ленче Kостадинова. Таа низ игра и разговор ни одговори на сите наши детски прашања поврзани со професијата – ЛЕКАР. Низ игра, нашите кукли беа прегледани, преврзани, си разменивме подароци, а и многу детски желби беа поттикнати, да се биде хуман – да се биде лекар.
На ден 07.02 во објект Бели Мугри од страна на воспитниот тим, беше реализирана куклена претстава ” Зимско капутче за малиот ежко” која ја проследија децата од 2-6 годишна возраст. Динамиката на случувањата во самата претстава и изобилството на ликови во истата, ги воодушеви децата и несомнено го задржа нивното внимание. Репер за детскиот интерес, беа громогласните аплаузи и желбата да се пролонгира траењето на претставата.
