Посета на Планетариум – Н.Н.Борче
Децата од објектот Н.Н.Борче на возраст од 5-6 год беа на посета на Планетариумот во МКЦ. Децата со воодушевување го гледаа ѕвезденото небо, се запознаа со поголемите соѕвездија и планетите.
Мече болница во објектот Бели Мугри
Студенти од Медицинскиот факултет во соработка со ЕМСА – Македонија на 14.11.2018г. беа гости во објект Бели Мугри. Целта на посетата беше да се отстрани стравот од белиот мантил, како и да се поттикнат децата на здрави животни навики.
Попладневна есенска работилница во Н.Н.Борче
Во објектот Н.Н.Борче на ден 14.11.2018г. се одржа попладневна работилница со родителите во воспитните групи од 3-6г. на тема “Волшебна есен” на која се изработуваа есенски декорации.
Приредба по повод 13ти Ноември во Матичен објект
На 13.11.2018 година во Матичниот објект, со приредба во холот беше одбележан роденденот на нашиот град. Децата од воспитните групи од 5-6 години ,,Верверички” и од 4-6 години ,,Ежиња” се претставија со стихови, игри и песни за градот, пред децата од помалите воспитни групи.
Попладневна работилница со родители во Матичен објект
Попладневна креативна работилница со родители се реализира на ден 13.11.2018г. во Матичен објект во воспитните групи од 3 – 6г. на тема: “Ја градиме нашата населба Капиштец”.
Роденденот на градот Скопје – 13 ти Ноември
Роденденот на градот Скопје – 13 ти ноември, беше одбележан во весела и празнична атмосфера. По тој повод беше реализирана заедничка приредба со наслов – Скопје граду мој. Учество во приредбата земаа воспитните групи од 4 – 6г.
Приредба по повод 13-ти Ноември во Н.Н.Борче
13-ти ноември – роденденот на градот Скопје, децата на возраст од 4-6 год. од објект Н.Н.Борче го одбележаа со приредба, на која се претставија со стихови, игри и песни за градот.
Посета на Музеј на град Скопје – Бели Мугри
По повод роденденот на градот Скопје – 13 ти ноември, децата од големата група – Супер Ѕвезди, беа во посета на Музеј на град Скопје. Целта на посетата, беше да се запознаат со археолошката поставка на старо Скопје – Скупи, приборот што го користеле порано, накитот, фустаните што ги везеле девојките, како и со спомените од катастрофалниот земјотрес што се случиле во минатото.
Посета на издавачка куќа “Феникс” – Н.Н.Борче
На ден 09.11.2018г..децата од група – Жапчиња, беа во посета на Институт за наука, култура и уметност – Феникс, при што се запознаа со литературата за возрасни и деца, како и со сликовниците за најмалите.Сите деца од издавачката куќа добија сликовници со најубави басни.
Посета од стоматолози во Матичен објект
На ден 09.11.2018 год. во воспитната група од 5-6 години ,,Верверички” од Матичниот објект, во посета беа стоматолог и стоматолошка сестра од Здравствен дом ,,Идадија”. Целта на оваа посета беше запознавање со професијата стоматолог, како и запознавање на децата со правилната нега и хигиена на забите и усната празнина и препознавање на факторите кои можат да го загрозат нивното здравје. Преку ликовна работилница, децата своите импресии ги пренесоа на цртеж.